Topola

Pjesme poučne i opisne.

Kip đomovine vu početku leta 1831.

Anda vu morje vre vekivečno Jedno nam leto kapnulo srečno, Najmre kad vre nit cveta v đolici Nit već zelenog lista v gorici, Nit bi gde videt z grozdekom trsa, Nit poljodelcu odprta prsa; Nego vsu goru sedu postati, A v polju drobnih ptičic nestati ; Videti k tomu, kak marhu hrani, Kak muž prot zimi z bundum se brani, I čuti vuka kak strašno tuli, Kak koru glađen hrastovu guli. Staro znaj leto da je gotovo, Koje nut zniklo, vidimo novo. Anda vu morje vre vekivečno Jedno nam leto kapnulo srečno. Neg je 1’ nam drugo ovak tam zajde, Je 1’ mozt nas pređi tamo ne najde ; A1 nam pak takvu porodi tugu, V kojoj življenje bu nam predugo?