SRĐ

— 218 -

Zamagni.

Proculi. Pozzae. Prodanelli. Bucciffnola.

Palmotae. Saluete aeternum: vobis Palmota Sauinus Cum lacrymis soluit funeris exsequias. Inter mille togas, & lset® munera pacis, Arma quatit Ianus, Cčssaris alter eques. Pompeij Magni sanguis, cum Sextus in vndas Adriacas profugo milite vela daret: Quis Proculos rigida non dicat fronte Catones? Quae sileat Pozzas inuida posteritas? Eripuit nobis Prodanellam ripa Naronae, Ah dolor, inuidia non caret ille locus. Vnus adest, prsecepta negant quem dicere versu. O pereant Latij dura magisteria. Dicam alias genus, & mores, & spledida fata, Mollius assueto tunc mihi carmen erit. Interea optatam prolem Lucina ministra. Crimen Diua tuum, si cadat orba domus. Mensii. Ibat & ektremum claudebat Mensius agmen, Quale decus, quanta est gloria parta viro. Sic inuicta phalanx Macedum postrema sarissas, Incubuit si vis maior ab hoste, mouet. Sic reparat fortis Romana Triarius arma, Quercus & emeritas alligat alba comas. Accola Tyrrheni fuit olim Tibridis Ombla, Nunc placet, Illyricis nobilis Ombla vadis. Scilicet his rerum auspiciis, hac prole virorum, Illyris vrbs late regnat & auget opes. Et quas ipsatulit, defendit libera leges, Et sua stat genti gloria, & omnis lionos. Mars procul omnis abest regnat рах optima rerum, Et syncera fides, & pia relligio. Quod si bella vocent, deducat in aequora classes, Cedat & Ionia Barbarus hostis aqua. Atque equidem audiui numerantem Protea Phocas, Rupe sub Hadriaca dicere multa senem. Quse soboles olim ventura, quis aureus ordo, Yt noua Dictsei secula regis erunt. Felices, quos illa manent, verum exit ab vndis Hesperus, & natas Tethys in antra vocat. Finis coronat opus.